Tjaldsvæði Vopnafjarðar

Tjaldsvæðið er staðsett á fallegum stað ofarlega í þéttbýlinu norðanverðu. Það er á tveimur flötum þar sem útsýnið yfir þéttbýlið, fjörðinn og að myndarlegum fjöllunum handan fjarðarins er hreint magnað. Tjaldsvæðið er fremur smátt.

Í aðstöðuhúsi eru 2 snyrtingar, sturta og aðstaða til þvotta utandyra. Ská á móti tjaldstæðinu, í um 100 metra fjarlægð, er Íþróttahús Vopnafjarðar. Þar eru bæði snyrtingar og sturtur sem gestir tjaldsvæðisins geta nýtt sér gegn vægu gjaldi. Í Íþróttahúsinu er einnig gufubað, ljósabekkir og aðstaða til líkamsræktar.  Efst í þéttbýlinu, við Búðaröxl, er áhaldahús sveitarfélagsins og þar úrgangslosun hjólhýsa að finna.

Nálægð er við alla þjónustu enda þéttbýlið smátt og tjaldsvæðið tiltölulega miðjusett. Í miðbæ kauptúnsins í ca. 500 metra fjarlægð frá tjaldsvæði er upplýsingamiðstöð Vopnafjarðar, í Kaupvangi – glæsilegu endurgerðu timburhúsi sem setur mikinn svip á bæinn.


Hjólastólaaðgengi er óvíða betra en á Vopnafirði og eru heimamenn stoltir af því. Þó er rétt að vekja athygli á að það á ekki við um tjaldsvæðið m. t. t. snyrtinga þess. Í íþróttahúsi er aftur á móti gott aðgengi fyrir fatlaða að snyrtingum og sturtu.

•    Rafmagnstenging
•    Snyrtingar
•    Sturta
•    Aðstaða til þvotta utandyra
•    Íþróttahús Vopnafjarðar í 100 m. fjarlægð, gufubað, ljósabekkir, líkamsrækt


Opið vor, sumar og haust:

1. maí - 15. október.

 

Gestgjafar:         Jörgen og Sigurbjörg
Heimilisfang:    Ofan Lónabrautar
Sími:                    662 3588 og 858 1165
Netfang:             kaupvangskaffi@gmail.com

 

                          

 

            

 

Staðsetning: 

GPS:     14°49´36,9”   65°45´27,5”

Smelltu hér til að sjá staðsetningu á korti