Félagsþjónusta

Félagsþjónusta Fljótsdalshéraðs annast félagsþjónustu á Vopnafirði í samstarfi við Vopnafjarðarhrepp.

Um félagsþjónustuna

Vopnafjarðarhreppur hefur á sl. árum notið samstarfs við sveitarfélagið Fljótsdalshérað í þessum málaflokki og á heimasíðu þess segir m. a.:

Meginmarkmið þjónustu:

•  Félagsþjónusta í sveitarfélaginu skal stuðla að auknum lífsgæðum og velferð íbúa svæðisins.
•  Þjónustan skal vera sveigjanleg og miðast við þörf.
•  Við framkvæmd þjónustunnar skal þess gætt að hvetja einstaklinginn til sjálfsábyrgðar, virða sjálfsákvörðunarrétt hans og styrkja hann til sjálfshjálpar.
•  Með aukinni áherslu á forvarnir skal stefnt að því að draga úr þörf fyrir sértæk úrræði.
•  Stuðla skal að því að skapa börnum og ungmennum viðunandi uppeldisskilyrði og styrkja fjölskyldur í uppeldishlutverki þeirra.
•  Einstaklingum sé gert kleift, svo lengi sem verða má, að búa í heimahúsum með því að veita sveigjanlega heimaþjónustu.

Vopnafjarðarhreppur annast heimilisþjónustu sína að eigin frumkvæði og ábyrgð.  Fulltrúi sveitarfélagsins fundar með starfsfólki félagsþjónustunnar á fundum þess og gætir hagsmuna umbjóðenda sinna í hvívetna.