Tónlistarskóli Vopnafjarðar

Tónlistarskólinn er til húsa í nýbyggingu Vopnafjarðarskóla og því hæg heimatökin fyrir grunnskólanemendur að stunda tónlistarnámið. Nemendum er auðveldað að samþætta tónlistina skyldunáminu. 

Tónlistarkennarar skólans eru tveir, Stephen Yates og Baldvin Eyjólfsson.  Stephen kennir á píanó, fiðlu, blokkflautu, og söng. Baldvin kennir á gítar, bassa, ukulele og trommur. Einnig er boðið upp á tónfræði (nótnalestur) og hljómfræði. Kennt er á blásturshljóðfæri sem aukahljóðfæri fyrir nemendur sem þegar eru í tónlistarskólanum.