Virkisvík
Virkisvíkin er undurfagur staður þar sem maður fyllist lotningu fyrir náttúrunni. Litadýrð setlaga víkurinnar blasir þar við manni, ásamt stuðlabergi og svo steypist foss fram af þverhníptum björgunum í sjó fram.
Farið varlega á bjargbrúnunum og farið ekki of nálægt.
Elsta þekkta berg ofansjávar á Íslandi er á Vestfjörðum og Austfjörðum. Það er 15-16 milljóna ára og því frá míósentíma á tertíer.
Tertíertímabilið hófst fyrir 65 milljónum ára en lauk fyrir 1,8 milljónum ára. Jarðlagastaflinn frá tertíer er myndaður úr hraunlagasyrpum með stöku setlögum á milli. Slík setlög, í þykkari kantinum, hafa löngum verið viðfangsefni rannsókna, enda finnast oft í þeim gróður- eða dýraleifar sem geta gefið töluverðar upplýsingar um loftslag á þeim tíma sem setið settist. Í Vopnafirði og Hofsárdal inn af Vopnafirði á Austfjörðum eru tvenn slík allþykk setlög. Annað er í Virkisvík í sunnanverðum firðinum en hitt er í Bustarfelli í Hofsárdal
